الأغاني الشعبية الفلسطينية

الأغاني الشعبية الفلسطينية

أغاني عن زواج الغريبة



إن كنك غريبة هيلي من الدمع طاسة

يا أهل الغريبة يدوسو بالسنة فراشي

×

إن كنك غريبة هيلي من الدمع جرة

يا أهل الغريبة يمروا بالسنة مرة

×

إن كنك غريبة هيلي من الدمع حفنة

يا أهل الغريبة يزوروا بالسنة خطمة

×

يا لهلي يا لهلي مين عاد يعاشركو

ع مين فرشلو حصيرة ع ملاجيكو

×

يا لهلي يا لهلي ع مين عاد يعايشكو

ع مين فرشلو حصيرة ع ملاجيكو

×

يا لهلي يا لهلي لا يبرا لكم ذمة

ويش كان عماكو عن ابن الخال والعمة

×

يا لهلي يا لهلي لا يجبر لكو خاطر

ويش كان عماكو عن ابن العم الشاطر

×

يا لهلي يا لهلي لا يبرا لكو بال

ويش كان عماكو عن ابن العم والخال

×

يوم تعلت وطلت من قفا البلد

صاحت عليها أمها بالصوت يا ناري

×

يوم تعلت وطلت من قفا الجبل

صاحت عليها أمها بالصوت يا ولدي

×

يوم تعلت وطلت من قفا الرينة

صاحت عليها أمها بالصوت يا عيني

×

يا اهل الغريبة طلوا ع غريبتكو

وان قصرت خيلكو قزوا هداياكو

×

يا ابن العم لا توخذ غريبة

ردايدنا ولا قمح الصليبة

×

يا ابن العم لا توخذ غرايب

ردايدنا ولا قمح الصلايب

×

بنات العم يا خايب يا نايب

بنات العم اخذوهن غرايب

×

بنات العم يا خوفي عليهم

راحوا للغير يا خوفي عليهن

×

أشوف الزين هون وهون رايح

حامل محرمة تنقط روايح

×

ما بو فلان استعجل الذبايح

بنات العم اخذوهن غرايب

×

مهاهاة عن زواج الغريبة

لبستك الأبيض طية على طية

طية عربية وطية فرنجية

×

طلت العروس من الشباك وقالت يا بي

انا غريبة وديروا بالكو عليه

يا أهلي طرزولي مخداتي

وأنا رايحة وما ودعت خياتي

وأنا رايحة ولا ودعت امي ولا بيي

وسفرة طويلة وسيلو يا دموعاتي

المصدر
http://www.najah.edu/index.php?news_id=5445&page=3171&l=ar